சுற்றுலாப்பயணிகளின் எண்ணிக்கை அதிகரிப்பு
ஜனவரி மாதத்தில் இலங்கைக்கு வருகைதந்த சுற்றுலாப்பயணிகளின் எண்ணிக்கை 24.3 சதவீதத்தால் அதிகரித்து 194,280 ஆக பதிவு செய்யப்பட்டுள்ளது. இக்காலப்பகுதியில் இந்தியாவில் இருந்து வருகைதந்த சுற்றுலாப்பயணிகளின் எண்ணிக்கை அதிகரித்து முதல் இடத்தை வகிப்பதுடன் சீனா இரண்டாம் இடத்தை பெற்றுள்ளது. அந்த வகையில் ஜனவரி மாதத்தில் இந்தியாவில் இருந்து வருகைதந்த சுற்றுலாப் பயணிகளின் எண்ணிக்கை 28,895 ஆக பதிவு செய்யப்பட்டுள்ளதுடன் சீனாவில் இருந்து வருகைதந்த சுற்றுலாப்பயணிகளின் எண்ணிக்கை கடந்த மாதத்துடன் ஒப்பிடுகையில் 122 சதவீதத்தால் அதிகரித்து 26,083 ஆக பதிவு செய்யப்பட்டுள்ளது….
