இலங்கை அரசாங்கத்தின் சொந்த விமான நிறுவனமான மிஹின்லங்காவை மூடிவிடும் நடவடிக்கைகள் முன்னெடுக்கப்பட்டுள்ளன. அதன் பணியாளர்களை கோடிட்டு இந்த செய்தி வெளியிடப்பட்டுள்ளது. இதன்கீழ் மிஹின் லங்காவின் பல அதிகாரிகள் ஏற்கனவே ஸ்ரீலங்கன் எயார்லைன்ஸ் நிறுவனத்துக்கு மாற்றப்பட்டுள்ளனர். சில சிரேஸ்ட அதிகாரிகள் பணிகளில் இருந்து விலகவேண்டும் என்று கோரப்பட்டுள்ளனர். எனினும் இந்த நிறுவனம் மூடப்படுவதால் வேலையிழக்கும் 330 பேரின் நிலை தொடர்பில் தகவல்கள் எவையும் வெளியாகவில்லை.
– ஆர்.கிறிஷ்ணகாந் – கட்டுநாயக்க விமான நிலையத்திலிருந்து நேற்று முன்தினம் (9) காலை மதுரை நோக்கி புறப்படவிருந்த மிஹின் லங்கா விமான சேவைக்கு சொந்தமான என் 3001 என்ற விமானம் புறப்படுவதற்கு 6 மணித்தியாலங்கள் தாமதம் ஏற்பட்டுள்ளது. விமானத்திற்குள் எலியொன்று புகுந்துள்ளதாக பயணியொருவர் விமானப் பணியாளர்களுக்கு அறிவித்ததனையடுத்து விமானத்திலிருந்த பயணிகள் அனைவரும் உடனடியாக வெளியேற்றப்பட்டுள்ளனர். விமான நிலைய பொறுப்பாளர்கள் எலியை விமானத்திலிருந்து வெளியேற்றுவதற்கு ஏறத்தாழ 6 மணித்தியாலங்கள் வரை சென்றுள்ளதாக தெரிவிக்கப்பட்டுள்ளது. இதன் பின்னர் முற்பகல் 7.30 மணிக்கு…
