இலங்கை கிரிக்கெட் அணியின் தெரிவுக் குழுத் தலைவராக சனத் ஜயசூரிய மீண்டும் நியமிக்கப்பட்டுள்ளார். இவரோடு களுவித்தாரன, ரஞ்சித் மதுரசிங்க மற்றும் உபசாந்த ஆகியோர் தேர்வு குழு அங்கத்தவர்களாக நிமிக்கப்பட்டுள்ளனர். இவர்கள் தனது கடமையை எதிர்வரும் மே மாதம் முதலாம் திகதி பொறுப்பேற்க உள்ளதாக இலங்கை கிரிக்கெட் சபை தெரிவித்துள்ளது.
பயிற்சியின்போது தலையில் பந்து அடிப்பட்ட நிலையில் வைத்தியசாலையில் சிகிச்சை பெற்று வந்த இலங்கை கிரிக்கெட் வீரர் கௌஷால் சில்வா சிகிச்சைகள் நிறைவடைந்து வைத்தியசாலையிலிருந்து வெளியேறியுள்ளார்.
ரீ 42 பிரிவைச் சேர்ந்த ஆண்களுக்கான 200 மீற்றர் ஓட்டப் போட்டியை 25.11 செக்கன்களில் நிறைவு செய்த அனில் பிரசன்ன ஜயலத் புதிய ஆசிய சாதனையுடன் தங்கப் பதக்கத்தை சுவீகரித்தார். இப் போட்டியை 27.50 செக்கன்களில் நிறைவு செய்த புத்திக்க இந்த்ரபால வெண்கலப்பதக்கத்தை வென்றார். இதேவேளை, ரி 44 பிரிவைச் சேர்ந்த ஆண்களுக்கான 200 மீற்றர் ஓட்டப் போட்டியில் இலங்கையின் அஜித் ஹெட்டிஆராச்சி (25.05 செக்) மூன்றாம் இடத்தைப் பெற்றபோதிலும் பதக்கம் வெல்லத் தவறினார்.
